Autokontsumorako froga batzuekin hasi zen dena. Hauekin, guretzat ezezaguna zen produkzio sistema bat aurkitu genuen, kalitate handiko perretxiko ekologikoak lortuz. Hortaz, frogekin jarraitu genuen, produkzio teknika horren ikasketan murgilduz.
Gaur egun, haritz enborretan ekoiztutako shiitakeak egiten ditugu Urdaibaiko erreserban, ingurune hurbilean kontsumituak izateko. Etorkizuneko produktuei begira, arakatza, ahabi, masusta, gaztainondo eta intxaurrondo landaketak egin ditugu.
Proiektu hau Mikel Landak hasi zuen, perretxiko zaletasunari jarraiki eta familiako baso txiki bat ustiatzeko aukera ikusita.
Familiaren eta lagunen laguntzari esker garatu ahal izan dugu proiektu hau, tokiko lehen sektorea bultzatzea eta gure ingurunea zaintzea izanik helburu.
Lehen kalitateko perretxiko ekologikoak ekoizten ditugu, gaur egun gure produkzioa Shiitake eta Enokitake barietateetan oinarrituta dago. Aldi berean laister merkaturatuko ditugun produktu berrien laborantzan lan egiten ari gara. Kontsumitzaile partikularrak, ostalaritza negozioak eta elidadura saltokiak ornitzen ditugu. Informazio gehiago behar izan ezkero ipini zaitez harremanetan gurekin.
lentinula edodes
Shiitakea Asian aspaldi lantzen den perretxiko zaporetsua da. Gaur egun, bere kontsumoa asko hedatu da, bai sukaldaritza eta bai medikuntza ezaugarriengatik. Ezaugarri horien artean, immunitate-sistemaren hobekuntza, 9 aminoazido esentzialak edukitzea eta zuntz, bitamina eta mineraletan duen aberastasuna dira esanguratsuenak.
flammulina velotipes
“Enoki” edo “Urrezko Orratz” moduan ezagutzen den perretxiko zuri, luze ta estua da. Sukaldaritza asiatikoan (txinatarra, japoniarra eta korearra) sopa prestakuntzan asko erabiltzen da, eta beste plater batzuetan aurkitu daiteke. Inmunitate-sistemaren orekan laguntzen duten proteina asko ditu.
pleurotus eryngii
Perretxiko oso zaporetsu eta bilatua, ondo konbinatzen du elikagai-mota guztiekin eta digeritzeko erraza da. Haragia zuri eta zapore finekoa da. Bere ezaugarriak proteina, bitamina eta mineraletan aberatsa, kaloria dieta baxuetarako egokia eta antioxidatzaile-iturri baliotsua izatea dira.
Gure shiitake eta enokitake ekoizpenan substratu ekologikoak erabiltzen ditugu.
Enborretan ekoiztutako shiitakearen kasuan, lau gauza baino ez ditugu erabiltzen: Shiitake onddoaren mizelioa, inguruko basoetatik lortutako enborrak, ura eta argi naturala.
Shiitake onddoak izugarrizko propietate sendakorrak dituen elikagaia bihurtzen duten elementu antioxidatzaile eta sistema inmunitarioaren bizkorgarriak ditu.
Shiitake perretxikoa era askotara kontsumi daiteke; fresko, deshidratatuta eta hautsetan. Sukaldaritzan ematen dituen prestaketa aukerak mugagabeak dira, adibidez: erregosita, kremak, saltsak, zopak, etab.
Gaur egungo gizartean, hurbileko eta kalitatezko produktuen eskaera gero eta handiagoa da. Gure ustez, hori da jarraitu beharreko bidea.
Izan ere, hurbileko ekoizleen produktuak kontsumitzean bertoko ekonomia indartzen da, denon onerako.
